Handwerker / Sanierer m/w

Jobs Grischun – Dini Stellavermittlig mit Wurzla in Graubünda

Miar vo Jobs Grischun sind dr regionali Personaldianstleister für Lüt us Technik,  Handwerk, am Ingenieur- und Architekturwesa. Miar vermittlend Fachkräft mit technischem Hingergrund und MINT-Brüaf (Mathematik, Informatik, Naturwissenschaft und Technik). In ganz Graubünda und dr Südostschwiz unterstützend miar di bim bewerba – vom Lebenslauf bis zum Vorstelligsgspröch.

Und hesch gwüsst? Dia meista Stella werdend nid über Inserat vergeh, sondern mit Vitamin B. Drum: Nütz üs als dis Vitamin B! Für di isch de ganz Ablauf natürlich kostenlos.

Üsara Kund isch scho über 40 Johr im Gschäft und het sich uf d’Saniarig vo Leitiga spezialisiert. Mit rund 80 Mitarbeiter in dr Dütschschwiiz isch de Betrieb bekannt für Zuverlässigkeit, Qualität und Kundannöchi. Will d’Nochfrog in Graubünda und im Rheintal ständig wachst, wird z’Chur a neua Standort ufbaut. Für de Neustart suachend miar, im Autrag, zwei motiviarti Handwerker, wo Lust hend, de neu Standort mitzpräga und ufzbaua.

Handwerker / Sanierer m/w

Ref-Nr. 100558

Was du machsch:

Du bisch mit dim Teamkolleg im Zweierteam unterwägs bi Privat- und Gschäftskunda und füahrsch Sanierigsarbeita an Leitiga dura. Iahr übernehmand alli handwerklicha Tätigkeita, wo in dem Zämahang afallend. A kundafründlichi Art und a sorgfälitiga Umgang mit da Arbeitsmittel sind a Teil vo dim Alltag. Je nochdem, wo d’Ufträg sind, kamma au mol üswerts pufsa müassa.

Was miar vo diar wünsched:

Du häsch a handwerklichi Usbildig, häsch Lust öpis Neus z’lerna und schaffsch gära im Team. Mit dinam Kolleg zämaschaffa isch für di kei Problem, im Gegateil, as söll Spass macha. Wichtig isch au, dass du fründlich und ufmerksam mit Kunda umgosch und ihri Bedürfnis ernst nimmsch. Du bisch us dr Region Chur und kasch guat Bündnerdütsch.

Was de Betrieb diar bütet:

Di erwartet a moderni Infrastruktur und a guati Iarbeitig. Du kasch jederzit uf d’Unterstützig vo erfahrana Fachlüt zruckgrifa. De Betrieb bütet diar fairi Astelligsbedingiga (42.5-Stunda-Wucha, 5 Wucha Feria), as Gschäftsauto, wo du au für da Arbeitswäg brucha dörfsch und a super Team mit ara wertschätzenda Unternehmigskultur. As git au regelmässig Teamevents.

Lust, bim Aufbau in Chur dabie z’si und mitazpacka?

Denn freuand miar üs uf dini Bewerbig!

Für meh Infos oder Froga, stoht diar dr Peder gära zur Verfüagig. Du kasch üs au direkt dini Unterlaga per WhatsApp (081 533 05 50) oder E-Mail info@jobsgrischun.ch schicka.